𝗟𝗲𝗻𝗴𝘁𝗲𝗻𝗴 𝗯𝗶𝗮𝗹𝘁𝘂 𝗠𝗟𝗔 𝗶𝗻 𝗖𝗵𝗮𝗺𝗽𝗵𝗮𝗶 𝗔𝗹𝗹 𝗡𝗚𝗢 𝗖𝗖 𝘁𝗲 𝗙𝗜𝗥 𝗵𝗻𝘂𝗸𝗹𝗲𝘁 𝘁𝘂𝗿𝗶𝗻 𝗻𝗴𝗲𝗻

Get real time updates directly on you device, subscribe now.

Nimin khan Kawlkulh leh Dulte Joint NGO Coordination Committee ruahman angin, NH-6 double lane-a laih turin an khua a hel dawn vanga duh lohna lantir nan bypass road intanna tur hmun nia an sawi 54.40 Km ah pal pingin an hnatlang a, Kawlkulh leh Dulte atangin mi 169 zet an thawkchhuak.
Thu dawn danin he Pal pin hnatlang hi Lengteng Bialtu MLA, L.Thangmawia chuan a hmunah a tlawh a, MLA chuan National Highway No. 6 hian Dulte leh Kawlkulh a
paltlang ngei theih nan theihtawp an lo chhuah tawh dan sawiin, NHIDCL te’n mipui an hrilh tha duh lo leh hmalakna a ruk ang hiala an kalpui chu a dem tih a sawi a. Champhai All NGOCC in ral atanga Media kal tlanga a Bial mi te an vau fo mai tha a tih loh thu leh, FIR thehluh tawh pawh hnukkir leh turin a ngen a. Dulte leh Kawlkulh chu Champhai District chhunga lo awm tawh a ni a, District thar a pian avang chauha inthen an nih thu sawiin, Champhai All NGO CCC te chu Nu leh Pa chan changa hma la turin a ngen a. Dawhkan kila thil awmzia sawiho theih ni se a duh tih a sawi bawk.
Dulte NGO Coordination Committee Chairman Lalroenga chuan a theih ang ang a, hma an lak chhunzawm zel tur thu a sawi a. Thusawitu dang te pawhin Kawlkulha bypass hnathawhna hmanrua lut tur danna atana gate an siam chu thiah ni mah se, khawl leh bungraw dang phurh luh an la rem ti dawn chuang lo tih an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More