LIANPUI AH KHAWCHHAK LAM NENA IN SUMDAWN TAWN NA TUR KAWNG HAWNG

Nimin khan Lianpui atanga Tiau panna kawng chu YMA Sub-Headquarters Champhai President F.Lalrinmuana’n a hawng.
ALTE KAWNG (Lianpui to Tiau link road) hawnna hi nimin khan Sakhibithun phai Lianpui ah neih a ni a, YMA Sub Headquarters Champhai President F.Lalrinmuana’n khuallian niin a hawng a.
C.Lalthanzauva, Hualngoram People Organization (HPO) chu khual zahawm a ni. Alte Kawng hi leilet nei ten tangkai taka an hman atan te, Myanmar nena insumdawn tawnna atan te leh kawng hrang hrang a tangkai taka hman atan a hawng a ni.
Lalrambuatsaiha, Vice President, Lianpui VC in report pe in, he link road hi VC te Project, VC kaihhruai road committee hmalakna in hna thawh a ni a. Kawng laih naah hian Lianpui Leilet nei Association, Lianpui Vehicle Owners’ Association ten tha an thawh bakah HPO ten an pui bawk. Kawng laihna atan hian Rs. Nuai 30 sen a ni a, a hawnna hun hi khawtlang huapa hman a ni a, tlai ah ruai theh a ni.