Disaster Management Rehabitation tirhin Pachhunga University Geologist Team-te chuan Khawbung RD Block huam chhungah lirnghing zirchianna tur – lirnghing tehna khawl dahna tur an enfiah.
Niminpiah khan PUC-a Geology Dept-a thawk mi 4 : Dr. Saitluanga, Dr. H. Lawmkima, Dr.V. Vanthangliana leh Dr. Laldinpuia-te chuan lirnghing tehna khawl dahna hmun tur hi an enfiah a. Khawbung HSS bul, Hlakungpui mual bul leh BDO Office bulte an enfiah hnuah Khawbung BDO Office bul chu Lir nghing tehna khawl dahna atan thlan a ni a. Ningani lam khan Geologist Team-te hian Lungleia lirnghing tehna khawl bunna tur an lo enfiah tawh bawk a ni.
Tun hnaiah, Pachhunga University College Geology Department chuan India rama lirnghing zirbingna hmun tha ber zinga mi CSIR- NEIST Jorhat nen thawh hona thuthlung (MoU) an ziak a. Mizoram Sorkar, DM&R-te nen tang hoin, Mizoram-a lir nghing thinte an zir bing dawn a. PUC Geologist-te hian Vangchhia leh, Minister, TJ Lalnuntluanga sawmna angin Champhai-a khelmual siam mek pahnih dáwl that dan tur an enfiah nghal dawn bawk a ni.
Comments are closed.