Lirthei chhiah tih nun theih hunchhung pawtsei

Get real time updates directly on you device, subscribe now.

Champhai District Transport Department chuan tax chi hrang hrang te Late Fee awm lova tihnun theih hun chhung a pawtsei.
Transport Department in thuchhuah a siam leh, Finance Department in phalna a pek angin February ni 1, 2020 leh March ni 31, 2021 inkar bika Lirthei Documents hrang hrang heng, Fitness Certificate, Permit, Driving License, Registration Certificate, Motor Vehicle Tax, Additional MV Tax, Polution, Insurance te bakah Lirthei kaihhnawih tax chi hrang hrang te, Late Fee awm lova tihnun theih hun chhung chu March ni 31, 2021 thleng pawhsei a ni a. Lirthei neitute mahni Lirthei Document te enfel a, tih nun ngai a awm chuan hun tiam ral hmaa tihnun theuh tur a ni. Huntiam ral hnu chuan tih theih a ni tawh lovang. Driving Licence, LMV Transport leh Auto Rickshaw Transport ti thi tan late fee awm lovin a renew theih bawk.
Lirthei Document engpawh, February ni 1, 2020 hma lama thi te erawh chu he ngaihhnathiamna hian a huam ve loa, Covid-19 hri leng avanga he ngaihhnathiamna hi siam a nih angin, Kum 2020 February ni 1 hnu lama Document thi te chauh Late Fee lak loh tur a ni.
Hetih mek lai hian District Transport Office ah Petrol Engine hmang te tan Pollution test a tih theih a, 2 wheeler tan cheng 50, 3 wheeler tan cheng 70, Light Motor Vehicle tan cheng 100, Medium Motor Vehicle tan cheng 120 leh Heavy Motor Vehicle tan cheng 150 a ni ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More