District Transport Office, Champhai-ah October thla khan lirthei 273 ziahluh belh thar a ni.
District Transport Office-a lirthei ziahluh thar zingah hian 2 wheeler tam berin 171 ziahluh a ni a, bungraw phur chi 70 ziahluh niin car 25 ziahluh a ni bawk. Excavator (JCB) 5 ziahluh a ni a, Auto Rickshaw leh Taxi 1 ve ve ziahluh a ni bawk. Hriat theih chinah Champhai District Transport Office a lirthei ziahluh hnuhnungber chu MZ 01 A 6393 a ni.
October thla chhung vek khan District Transport Office ah chhiah hrang hrang Rs. 17,30,018 a lut a, mihring phur chi lirthei atangin Rs 49,200 a lut a, bungraw phur chi lirthei atangin Rs 2,36,500 a lut a, Kawng chhiah atangin Rs 7,31,967 lutin, MV Fee atangin Rs 6,32,850 a lut a, Compound Fine atangin Rs 12,000 a lut a, Parking fee atangin Rs 67,501 a lut ve bawk.
Comments are closed.