LPS PRO FIGHT -AH TEL TE CHUNGAH ACTION LAK TUM

Champhai District Boxing Association chuan nimin khan kum 2022-2024 chhung atan hruaitu thar an thlang.
Hruaitu thar thlanna hi Boxing Hall, Tlangrawtah Mizoram Boxing Association President C.Laltanpuia kaihhruaiin hman a ni a. President atan H.Zarzoliana, Vengsang thlan a ni a. Secretary atan Lalramzauva Ralte, Electric Veng thlan niin, Treasurer atan Zosanga, Tuipui thlan a ni. Inthlan zawh hnu hian OB thlan thar te chu an thawhpui tur te ruatin an thukhawm nghal a. Vice President atan R.Lalrinsanga, Kanan veng; Assistant Secretary atan Nl. Zothanpuiin Vengthar; Fin. Secretary atan H.Phairosiama, Tuipui te ruat an ni.
He hunah hian MIZBA hruaitute chuan LPS Pro Fight lo awm tur leh Zonet-in Mizoram Fight Night, Aizawl District Boxing Association nen an buatsaih tur chungchang an tarlang a. LPS in Proffessional fight a bautsaih tur chu MIZBA in a hriatpui loh thu leh MIZBA hnuaia Affiliated Club leh Association-a Boxer leh R&J tel te chu an chungah Action lak a nih tur thu bakah, Mizoram Fight Night chu Mizoram Boxing Association te hriatpuina a buatsaih tur a nih thu te tarlan a ni bawk.