LUT CHHUAK LA DANG CHHUNZAWM ZEL

Get real time updates directly on you device, subscribe now.

CDLIP te chuan Myanmar atanga dan lova bungraw lut leh Champhai atanga chhuak tur an la dang zel a, harsatna lian tham a la thleng rih lo.
Myanmar nena insumdawn tawnna mumal zawka a kal beisei leh Dan lova bungraw lut zingah Kuhva chauh mal mana do a nih an duh loh avang leh Champhai Kudama Kuhva te Vairengte thlenga zalen taka phurh phuta lungawi lohna lantira, Myanmar atanga dan lova bungraw phurh luh leh Champhai atanga chhuak turte CDLIP te chuan an la dan chhunzawm zel a. An pawl President Liantluanga chuan, dan lova bungraw lut tur an kir tir leh zinga tam ber chu Thei lam a nih thu sawiin, an thilphut a hlawhtlin hma chuan an la dang chhunzawm zel dawn tih a sawi bawk.
Tun dinhmunah Champhai bikah harsatna lian tham la thleng rih lo mah se, tuna thei leh thlai an lakkhawl sa te a zawh chuan a van deuh rin a ni a. Thlai bikah chuan Sihphir, Keifang leh Serchhip atanga lak a ni a. Hetih lai hian Myanmar atanga a rawn thlen man aiin Mizoram chhunga phurh kual man a san zawk avangin Thlai man hi a san vat rin a ni a.
Nepnawi leh thil dang zuarte chuan bungrua an inlakkhawl hman avangin tun dinhmunah chuan harsatna an la tawk rih lo niin thu dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More