Martar-te hriatrengna lung an phunna tur Bialtu MLA in tlawh

Get real time updates directly on you device, subscribe now.

East Tuipui Bialtu MLA Pu Ramthanmawi a chuan Samthang khuaa MLA fund leh BADP hmanga MUP in sak leh Thlanmual In hawngin CHO Complex a Horticulture Collection Centre sak mek a tlawh.
25-East Tuipui Bialtu MLA leh Bamboo Link Road Board Vice Chairman ni bawk Pu Ramthanmawia chuan a bial fan chhunzawm zelin nimin khan Samthang, Dungtlang leh Vanzau te a tlawh a. Samthang khuaa MLA fund leh BADP hmanga MUP in sak leh Thlanmual In hawngin CHO Complex a Horticulture Collection Centre sak mek a tlawh.
Samthang mipuite chuan Bialtu MLA hi lo lawmin pangpar thi nen an lo hmuak a. Thu sawiin sawrkar sum hmanga khawtlang ro tur tha tak an din thei chu khawtlang hruaitute inpekna niin a sawi a. Samthang chu samtawk leh zikhlum thar chhuahah Zoram mipuite hriat khawpa hna an thawk chu fakawm a ti a. CHO Complex a Horticulture Collection Centre sak mek pawh tangkai taka hman a nih a beisei thu a sawi a. Bialtu MLA chuan Pu Zoramthanga kaih hruai MNF Sorkar chu hun harsaa mipuite khai chhuak turin Pathianin a ruat nia sawiin hripui a reh chhoh hunah hmasawnna tak tak MNF sawrkar chuan a la thawk chho zel dawn tih a sawi.
Pu Ramthanmawia hian Vanzauah Martarte hriatrengna lung phunna tur a tlawh bawk a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More