MAXI CAB STAND ZAWNG ZAWNG THIAT VEK DAWN

CHANEM chu Champhai atanga chhuak tur Sumo Stand atan ni 18 atangin hman tan a ni dawn.
Champhai khaw chhunga lirthei tlan dan a lo mumal zawk nan leh lirthei pung zel avanga khawchhung tawt tur tihziaawm nan, Champhai SP, Lalrinpuia Varte chuan tun thla, Oct. ni 18 atanga hman turin CHANEM Complex, Vengthlang, Champhai chu Champhai atanga chhuak Maxi Cab Service zawng zawng te tan Maxi Cab Stand atan a puang. He thupek hian Champhai khawpui chhunga Superintendent of Police, Champhai in Maxi Cab Stand a lo pek tawh zawng zawng chu a luahlan nghal vek ang. Hun bituk hnu lama he thupek zawm lo te chu dan anga hrem an ni ang.