Nimin zing dar 8:00 khan Pi T Lalmuanpuii, Chairman, Mizoram Co-operative Apex Bank Ltd. leh Board of Director ten Apex Bank Board of Director Pu Rolura Sailo chhungte an ral.
Mizoram Co-operative Apex Bank Ltd. Chairman Pi T Lalmuanpuii hovin Vice chairman Pu Rodingliana leh Board of Director member ten Pu Rolura Sailo, Board of Director October ni 29, 2021 a boral ta ralna hun hi an hmang a, he hun hi Pu Chawngvawra, Ex-Chairman bakah Champhai khawpui chhunga Co-operative Society hruaitu mi engemawzatin an tawiawm a ni. Pi T Lalmuanpuii, Chairman, Mizoram Co-operative Apex Bank Ltd. leh Board of Director ten Apex Bank Board of Director Pu Rolura Sailo chhungte te hnenah hian ralna sum Rs. 1,00,000/- bakah sunna thuziak an hlan a ni.
Pi T Lalmuanpuii, Chairman, Mizoram Co-operative Apex Bank hian Champhai khawpui chhunga Society thenkhat CTM PACS, Bethel Woman Co-operative Society te tlawhin, Champhai LAMPS in NABARD Scheme, Agriculture Infrastructure Fund atanga Loan Rs. nuai 117.80 an lak hmang a Vaimim sawngbawlna hmun tur an buatsaihte a tlawh nghal bawk a, Vice Chairman Pu R Rodingliana hovin Board of Director te hian Champhai area hmun hrang hranga Co-operative Society te an tlawh kual bawk dawn a ni.
Comments are closed.