Champhai Officers’ Club
Champhai Officers’ Club (COC) chuan kum danga an tih thin angin nimin khan Champhai khawpui chhunga mi harsa zawk leh Home-ah luanchhuahna hun an hmang a. Chief Minister’s Discretionary Grant 2020-2021 kaltlangin Home hrang hrangah tanpuina pawisafai an sem chhuak nghal a ni.
COC Member-te hi thuang 4 ah insemdarhin an che chhuak a, Home pahnih Mazuia Memorial Home
(TNT), Vengthlang North hnenah Rs 10,000; Immanuel After Care Centre, Bethel Veng hnenah Rs. 5,000 leh mimal thlanchhuah 7 te hnenah tanpuina sumfai Rs. 5,000 theuh, a vaiin Rs. 50,000 an semchhuak a.
Kumin hripui leng vanga inkharkhipna kalpui tantir lam March Ni 31, 2020 khan Home thlan chhuah 4-ah
tanpuina pawisafai, a vaiin Rs. 50,000 an lo sem chhuak tawh bawk a ni.
Nimin vek khan Chief Minister’s Discretionary Grant 2020-2021 atanga Champhai-in Rs. 20,500 dawn chu DC Office kaltlangin District Hospital Champhai leh Home hrang hrang 7 ahte an semchhuak bawk a ni.
Champhai Officers’ Club hi kum 1992 a din niin, tunah hian member 100 bawr vel an awm mek a. An member-te sum thawhkhawm hmang hian tanpui ngaite puiin an lo fehchhuak fo tawh thin a ni.
KTM Riders
Champhai KTM Riders te chuan Sesih khuaa mi harsa tanpui ngai chhungkaw 2 hnenah Rs.4000 ve ve leh chhungkaw dang pakhat hnenah Rs.3000 tanpuina an hlan tih thu kan dawng.
Comments are closed.