MIHRING TAKSA INHAL RALNA NILOIN THLARAU LAM THIL ZAWK A NI

Get real time updates directly on you device, subscribe now.

Delete Pawl ho tia hriat larin hal ral thil hlana hlan an tum nia sawi, Pu Lalramnghaka chuan Mihring taksa inhalral tumna ni lovin thlarau lam thil a nih thu a sawi.
Nimina kan palai-in a kawmnaah Pu Lalramnghaka chuan Taksa, halral thil hlana inhlan tumna ni lovin Mihring mihrinna zawk tihboral a, Lalpa thlarau hi lalber rawh se, tih hi kan thu ken a ni a. Chu chu hriatsual palh avanga thu thang ta nia a rin thu sawiin, halral thil hlan atan khung hran a nih loh thu a sawi bawk. Mihring mihrinna paih thlaa Pathian thianghlimna kawng zawh tura inhlan thianghlim an nih thu sawiin, an inkulh hran hun chhung hian engtia rei nge a awh dawn a sawi theih loh thu leh, Pathian kutah an innghat tawp tih a sawi bawk. Lalramnghaka chuan Tlawmna nun an zir mek thu sawiin, miin engtiang pawhin min ti se, kan chhan let ve a rem lo a ni, a ti a.
Pathian thlarau duhdana awm dan an zir thu leh, khawvel thil nena inzawm thil an kawlte chu halral thil hlanah an hlan zel tih a sawi a. Mihring nunna la thei, Silai an neihte pawh an hal ral tawh thu te, Lirthei te erawh chu tu pawimah sawi lo a nih avangin hal ral lovin an hralh tih a sawi bawk. An pawlah chuan Hotu ber an awm loh thu sawiin, Pathian thlarau hruaia awm leh Pathian thu dawngte thu thu an zawm mai tih sawiin, tun lai tak phei chuan naupang aw hi Pathianin a hmang ber, a ti. Zawhna chhangin Sawrkar atanga hamthatna an dawnte an hnawl chhan chu – Thupuan Bung 15:2-a ziak anga, Hming leh Number hneh an tum avangin, Sawrkar a ni emaw eng pawlah mah an hming chuan a rem loh thu sawiin, hamthatna kan dawn loh avanga harsatna kan tawh pawh Pathian tan veka ti kan ni a.
A tul a nih chuan nghei mai pawh kan inhuam reng a ni, a ti a. Midang an biak theih loh chhan pawh sawiin, Tisa thil anga thu ho mai mai kan sawi a rem tawh lo va, kan lei leh ka te hi Pathian thu sawi nan ni lo chuan kan hmang ngam tawh lo a ni, a ti.
An chhungkhat laina hnai te pawh an thinlungah hmangaihna reh lo mah se, Pathian an hlauh avangin an zarzawm thei lo tih a sawi a. An awm dan chu Pathian thlarau hruai an nih avangin midangte tan hriatthiam har tak a nih tur thu sawiin, Thil tha kan hmuh ang hi tuma’n an hmu thei lo, a ti.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More