Mimbung khua Pathian hne ah tawngtai

Get real time updates directly on you device, subscribe now.

Nimin khan Mimbung khua chuan Pathian hnena lawmthu sawina hun leh sual thupha chawina hun an hmang.
Nimin hun hman hi Mimbung khelmualah hman niin Mimbung VCP Pu Thanghuliana leh YMA President Pu Thangremsanga ten thusawina hun an hmang a. Mimbung khawtlangin Pathian duh loh zawng anlo tih tawhna avanga te, ruihtheih thil, mipat hmeichhiatna leh kawng hrang hranga anlo tih dik tawh lohnate avanga sual thupha chawi a tulna chhante leh kawng hrang hrang Sawrkarte leh mimal atang te a hamthatna an dawnte avanga lawmthusawi a ngaihna chhante an sawi a ni.
Lawmthu sawina hun hi Rev. Dr V. Ginsianthang, Divisional Superintendent, EBC in a kaihruai a Pastor Dr Suankhanhang Hualnam, EBC in sual thupha chawina hun hi kaihruaiin Pastor Vungkham, PCI in khawtlang tana mamawh hrang hrangte dilna hun a kaihruai bawk. He hunah hian Mimbung khawtlang mipui an kal tha hle a, tlai dar 2-ah Upa K. Thangmuanan tawngtainain inkhawmna hun a khar a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More