Law & Judicial Minister T.J. Lalnuntluanga, Champhai South bialtu MLA chuan nimin atang khan a bial chhung khua leh veng hrang hranga VC member thlan tharte tlawhkualin lawmpuina a hlan.
Law & Judicial Minister chuan Pathian thu hi kan innghahna ber tur a ni a, thu mai ni lo va, a taka kan nunpui hi a ngai a ni tiin, VC thar lawmpuina turah pawh hian thildang zawng aia VC te inghahna tur Bible chu thlanga hlan a nih thu a sawi a. Minister chuan Tuipuiin Mobile Signal an neih thuai theih nana hmalak a nih thu leh Boxing Hall changtlung tak Tuipuia buatsaih turin kumthar atanga hmalak tan a nih tur thu a sawi a. VC member-te chu khawtlanga ro an relnaah mi rethei leh harsate hre renga ngaihsak thin turin a chah bawk a ni.
T.J Lalnuntluanga hian Tuipui, Jail Veng, Dinthar, Kanan leh Electric Vengte tlawhin VC member tharte hi an vaiin lawmpuina Holy Bible a hlan zel a ni. Vawiin hian a bial chhunga Veng dangte fang chhunzawmin VC member-te thilpek hi a hlan zel dawn a ni. Minister hian a bial chhunga VC tharte lawmpuina a hlan vek dawn bakah Niangni khian Treasury Office thar, Champhai Vengthar a mi a hawng dawn a. Zirtawpni-ah DISHA meeting-ah a tel ang a, hemi hnu hian Aizawl lam panin a kir thla tawh ang.
Comments are closed.