Nimin zing khan EF&CC Minister Pu T.J. Lalnuntluanga chuan Champhai Bethel Venga Forest Department hmunhma tihchangtlun dan tur leh Department ram chhunga thingphun belh dan turte a enfiah.
Hemi hnu hian Champhai Vengthar Tlangnuam tuilak dan tur PHED official-te hruaiin a tlawh leh a. Khawtlang hruaitute leh Department official ten buaipui ngaite lo enfelin, a tul anga hmalak chhunzawm nise tih a ni a. Vengthar Tlangnuam tuilak dan tur a enpui hnu hian Pu T.J. Lalnuntluanga hian Champhai Zotlang khawtlangin Thingthupui Lui atanga tuilak tuma an hmalakna a tlawh leh a, Thingthupui Lui hi khawtlangin RCC a khuapin a hmunhma an singsa mek a, a dung metre 180 leh a vang metre 20 vela zau tura ruahman niin, khawtlang hruaitute leh Department hotu ten bawhzui ngai lo bawhzuiin, sorkar atanga tanpuina awm thei turte dap nise tih a ni.
Nimin zing vek khan Minister hian Champhai Bethel Middle School tlawh lehin, School tualzawl white-topping dan tur leh School kawmchhak lungrem dan turte a enpui a, a theih anga hmalaksak zel a tum thu a hrilh a ni.
Pu T.J. Lalnuntluanga hi Pu Liandawla PCCF, EF&CC, Pu R. Lalnghakliana PD, DRDA, Er. C. Lalhmachhuana SE, PHE, Pu Lalduhthlana DFO Champhai, Er. J. Kapkima EE, PHE, Er. Vanlalmuanawma SDO, PHE te’n an tawiawm a ni.
Comments are closed.