Champhai South bialtu MLA, Law & Judicial Minister TJ Lalnuntluanga chuan Champhai Vengthar leh Zote
inkar inkalpawhna kawng siam tur chu tlawhin, kawng awmsa tihlen leh cheihnum dan tur a enfiah.
TJ Lalnuntluanga chuan Covid-19 hrileng vangin duh anga hmalak a harsat rih thu sawiin, ngaihmawh leh tul tih zawngte hlenchhuah vek theih
ni lo mah se a theih ang a bawhzui zel tum a ni tih a sawi a. Kawng siam tur chu nakin zel ngaihtuaha Champhai leh a chhehvel khuate tana chhawrnahawm tak tur a nih avangin hna thawh bul tan nan MLA fund atangin Cheng Nuai 10 a pe dawn tih a
sawi. Champhai Vengthar leh Zote khaw inkar kawng Kilometre 1.6 a thui hi metre 8 atanga metre 9 vel thlenga tihzauh tum a ni a, a remchan
dan ang zela tihchangtlun tum a ni. Vengthar VC leh YMA-te’n hnathawh hi an vil dawn a, PWD Engineer-te’n
a tul angin an enpui bawk ang. Minister hi Er. H.Lalzirliana, MLA, Vice Chairman, Road & Infrastructure Development Board, PWD hotu leh sorkar hotu lam bakah MNF Champhai North leh South hruaitu ten an tawiawm a ni.
Comments are closed.