Minister TJ Lalnuntluanga Champhai-ah rawn haw

Get real time updates directly on you device, subscribe now.

Law & Judicial Minister, TJ Lalnuntluanga, Champhai South Bialtu MLA ni bawk chu Inrinni khan MNF Champhai South Block leh
North Block-I ten Khankawnah an lo hmuak.
Law & Judicial Minister, TJ Lalnuntluanga, Champhai South Bialtu MLA hmuahna hun hi R. Thangseia, MNF Champhai South Block President chuan a kaihruai a. TJ Lalnuntluanga chu dikna tan ngam mi huaisen a nih thu leh College a kal lai pawha zirlai zawng zawngin an nghahhlelh Tribal Scholarship dik taka la lo ngam a nih thu a sawi a. Eirukna, zu leh sa, mipat hmeichhiatna sual laka fihlim a nih thu a sawi bawk.
R.Thangseia chuan Bialtu MLA chu midangte tibuai lo zawnga khawsa thiam a nih thu sawiin, bial a fan nikhua pawhin Dept leh midangte ti buai lova chaw fun a, tui hmun remchanga chaw fak mai thin a nih thu a sawi a. Mi dik leh rinawm, thangthar lo awm zel tur tana Zoram nuam siam tum tlat MLA Champhaiin an nei chu an chhuang tak zet tih a sawi a. Ram rawng a bawl zelna turah duhsakna sang ber MNF Party chuan a hlan tih a sawi bawk.
Law Minister TJ Lalnuntluanga chuan thlamuantu leh ngaihsaka hmangaihtu Party hruaitute leh Champhai mipui chungah lawmthu a sawi a, a kal leh zelna turah ram tan leh Champhai tan hna tha zawk thawk tura a inbuatsaih thu sawiin, theihtawp chhuaha tawiawm turin mipui a sawm bawk.
Champhai South Bialtu MLA hian vawiinah Tlangsam Lal, Thanghlianga Sailo lungdawh hawnna hun a hmanpui ang a. Naktukah K. Lalrinliana, FCS&CA Dept. changtu Minister tawiawm lehin, Nilaini atanga Zirtawpni thlengin Chief Minister, Zoramthanga’n Champhai khaw chhung leh a chheh vel tlang dung a fannaah a tawiawm leh ang a; Inrinni-ah Champhai chhuahsanin Aizawl a pan leh dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More