MIPUI HMAN THEIH TURA PEIH A NIH LEH NIH LOH ENFIAH

Mizoram Rural Development Department hnuaia cheng nuai 368 hmanga Khawbung Mini Sports Complex hnathawh leh cheng nuai 270 hmanga Vaphai rama Solar Water Pumping Scheme hmanga tui lak chu
mipuite hman theih tura hawn theih turin nimin khan RD Deptt. Engineer Wing a EE Pu Chhalaia leh hoten an enfiah.
Kum 2017 kumtir atanga thawh tan Khawbung Mini Sports Complex chu kum 2019-ah khan contractor-in zofel tawhin department lama enfiah hmain hripui lengin a nghawng buai avangin tun thleng hian contractor kut atanga laklet ala ni lova. Mizoram sorkar chuan he Mini Sports Complex hi mipui hman theih a hawng turin RD Deptt. Engineer Wing te enfiah turin a tir a, nimin khan EE Pu Chhalaia hovin Khawbung VC, NGO hruaitu leh Khawbung BDO leh staff ten a hmunah siambelh leh siamthar ngai te an enfiah a, hmalak dan tur an sawiho nghal a ni.
Nimin vek khan Vaphai khaw mipui tui tlan tur nizung tha chakna hmanga tui pump hna thawh zawh tawh pawh a hmunah kalin an enfiah nghal a, khawih nawn tur awm ang ang te khawtlang hruaitute nen sawihoin hmalak dan tur an ruahman a ni.