Champhai District NGO Co-ordination Committee hruaitute chuan Champhai MJA Press Club-ah ni 31.3.2021 (Nilaini) khan Thuthar thehdarhtute hmaah District hmasawnna tura an hmalakna pawimawh zual leh hmachhawpte an tarlang.
Champhai District NGO Coordination Committee Chairman Lalnunmawia chuan an pawl hmalak avanga District in hmasawnna peng pawimawh tam tak tih hlawhtlin a nih dan leh an hmachhawp mek tlangpui a tarlang a, hmasawnna hnathawhte chu ram rotling leh mipui tan chhawrnahawm a nih ngei theih nan theihtawp chhuah zel an tum tih a sawi.
Zawhna chhangin NGOCC Secretary Muana Hangsing chuan, 2020 a zawhfel tura duan leh zawhfel loh Cheng Veibelchhe 19.88 senga Keiluangliah lui khuah hna kal mekah contractor in theihtawp a chhuah vangin kum khat leh a chanve hun pek belh chhunga zawhfel ngei an beisei thu leh hna kal lai chu an vil reng tih a sawi a.
Champhai khawpuiah Municipal Council din a nih theihna turin sorkar hotute hnenah an nawr mek a. Kumin April thla a Champhai to Zokhawthar Double lane Highway, World Bank sum Rs Vbc. 138 senga laih mek chu ram tana rotling leh tha taka zawhfel a nih theih nan chak zawka bawhzui an tum tih an sawi bawk.
Champhai khawpui riruang fel tak duang hmasa a, a than zui zel theih nan khawpui chhungah Industrial Complex, Sports Complex, Bussiness Centre, Sewage Management leh Government Complex etc. hmunhma tur duangfel sa vek tura sorkarah an thlen dan te an tarlang a.
Champhai atanga Mizoram khawpui Aizawl panna kawng NH No.6 laih mek chu a nih tur ang tak leh ramro tling ni ngei tura an duh avangin a tul anga sorkar puihbawm an inhuam tih an sawi a. Zin mite awlsam zawk nan Helicopter lian zawk thlawhtir tur leh Champhaiah a tumna hmun zau zawk siam a nih theih nan sorkar hotute hnenah an bawhzui mek tih an sawi bawk.Champhai District NGO Co-ordination Committee hruaitute chuan Champhai MJA Press Club-ah ni 31.3.2021 (Nilaini) khan Thuthar thehdarhtute hmaah District hmasawnna tura an hmalakna pawimawh zual leh hmachhawpte an tarlang.
Champhai District NGO Coordination Committee Chairman Lalnunmawia ‘chuan an pawl hmalak avanga District in hmasawnna peng pawimawh tam tak tih hlawhtlin a nih dan leh an hmachhawp mek tlangpui a tarlang a, hmasawnna hnathawhte chu ram rotling leh mipui tan chhawrnahawm a nih ngei theih nan theihtawp chhuah zel an tum tih a sawi.
Zawhna chhangin NGOCC Secretary Muana Hangsing chuan, 2020 a zawhfel tura duan leh zawhfel loh Cheng Veibelchhe 19.88 senga Keiluangliah lui khuah hna kal mekah contractor in theihtawp a chhuah vangin kum khat leh a chanve hun pek belh chhunga zawhfel ngei an beisei thu leh hna kal lai chu an vil reng tih a sawi a.
Champhai khawpuiah Municipal Council din a nih theihna turin sorkar hotute hnenah an nawr mek a. Kumin April thla a Champhai to Zokhawthar Double lane Highway, World Bank sum Rs Vbc. 138 senga laih mek chu ram tana rotling leh tha taka zawhfel a nih theih nan chak zawka bawhzui an tum tih an sawi bawk.
Champhai khawpui riruang fel tak duang hmasa a, a than zui zel theih nan khawpui chhungah Industrial Complex, Sports Complex, Bussiness Centre, Sewage Management leh Government Complex etc. hmunhma tur duangfel sa vek tura sorkarah an thlen dan te an tarlang a.
Champhai atanga Mizoram khawpui Aizawl panna kawng NH No.6 laih mek chu a nih tur ang tak leh ramro tling ni ngei tura an duh avangin a tul anga sorkar puihbawm an inhuam tih an sawi a. Zin mite awlsam zawk nan Helicopter lian zawk thlawhtir tur leh Champhaiah a tumna hmun zau zawk siam a nih theih nan sorkar hotute hnenah an bawhzui mek tih an sawi bawk.
Ramri venghimtu (Assam Rifles) ten dan phal loh bungrua leh mihring zinchhuak tur enfiahna tur Champhai khawpui chhung (Khankawn) a duty post an siam hian mi a tih raltit bakah zin mite hun khawhralna a thlen tih an sawi a. Helai hmunah hian Dan phal loh bungraw phur an awm leh awm loh enfiah thin a nih vangin he hmun pumpelh nan hian District chhung hmun hrang hrangah sumdawnna kawng(ruk) laih a nih phah ni a an hriat thu an sawi a. Hemi chungchang hi sorkar laipuiah leh, a tul dan a zirin Court sang zawk thlen an tum tih an sawi.
Heng bakah hian sorkar inrelbawlna kawngah District Hqrs. in a chanvo tur angte Champhai khawpuiah dah a nih theihna nan Sorkar Department hrang hrang inrelbawlnate tih puitlin a nih theih nan hmachhawp tam tak
an kalpui mek tih an tarlang bawk.
Zawhna chhangin NGOCC hruaitute chuan, Champhai District NGO Co-ordination Committee-ah hian District huap YMA, MHIP, MUP, MZP, Champhai Thalai Pawl bakah NGO dang thahnem tak an intelkhawm
tih an tarlang bawk.
Comments are closed.