MIPUITE TAN SUMDAWNG PAWLTE INPEKNA ROPUI

Nimin khan Mizoram Syndicate, Hqrs Champhai te chuan DDMA, SYMA Champhai leh Ramri Daido khaw 5 VLTF te hnenah tanpuina an hlan.
Mizoram Syndicate, Hqrs Champhai hian District Disaster Management Authority Champhaiin hripui dona kawnga a tul apianga hman turin Cheng Nuai 1 chu DDMA Chairman Maria CT Zuali kutah an hlan a.
Mizoram Syndicate, Hqrs Champhai hruaitute chuan Myanmar lamah hri kai an pun zel avangin Champhai District chu nasa lehzual zawka inven a ngai nia an hriat avangin hripui dona kawngah ke an pen chhuak ve tih an sawi a ni.
Mizoram Syndicate, Hqrs Champhai hian SYMA Champhaiin raltlante a chhawmdawlna leh Covid 19 hripui dona kawnga a tul apianga hman turin Cheng Nuai 1 an pe bawk a. SYMA President F.Lalrinmuana chuan, Champhaia Sumdawng
pawlte khawtlang tana an inpekna chu fakawm a tih thu sawiin, khawtlang tana tha thawh chhunzawm zel turin a sawm a ni.
Mizoram Syndicate, Hqrs Champhai hian ramri daido khaw 5 Melbuk, Ruantlang, Zotlang, Tlangsam leh Zote VLTF te’n hripui dona kawnga a tul apianga an hman turin Cheng 25,000 theuh an pe a. Hripui thawh hnihna avanga hun rei tak tlawhpawh phal loh Zokhawthar khawtlang tan Cheng Sing 5
pein NGO CC Champhaiin kawng hrang hranga an hmalaknaa an hman turin Cheng Sing 5 an pe bawk.
Champhaia sumdawng pawl, Champhai District Import Export & Transport Union (CIETU) leh Champhai Importers-Exporters Syndicate (CIES) te pawh hripui dona atan hian sum fai thahnem tak nen an lo luang
chhuak tawh bawk.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More