MIPUITE THAWHPUIAH SAWM

Get real time updates directly on you device, subscribe now.

Inrinni zing dar 9:30 khan Champhai Excise & Narcotics te leh Anti Drugs Squad, YMA Sub-Hqrs Champhai chuan Champhai Vengtharah Heroin gram 62.5 (Hawng 5) leh a phurhna Scooty an man a. He ruihhlo kawltu a puh David Vanlalfela (25) S/o Zohmingmawia (L) Champhai Bethel chu man nghal a ni.
Hemi hnu chawhma dar 10:30 khan heng ruihhlo neitu ni ngei a hriat Chinglamnuam (22) W/o David Dosiansang, Bukphir, Myanmar chu Bethel-ah man leh a ni bawk.
Heroin hi Champhai khawpuin chhunga tihral tur nia hriat a ni. Anni pahnih hi ND & PS Act hmanga thubuai siam sakin, Inrinni khan Court-ah hruai an nih hnuah Jail-ah dah luh nghal an ni.
Inrinni zing vek khan Zotlang mi pakhat leh Tlangsam mi pakhat chu Aizawl lama Heroin manna a inhnahnawih ni a hriatte chu, Champhai Excise te hian Court remtihna nen Aizawlah an thawn thla bawk.
Excise & Narcotics hotute chuan, tunlai hian Champhai kaltlanga Heroin tawlh a tam bakah, khaw chhunga tihral tur a pung nasa hle a, ruihhlo ti thin, kawl leh zawrh a inhnamhnawih pawh an pung nasa hle tih an sawi a.
Excise & Narcotics hotute chuan thahnemngai taka ruihhlo do kawnga thawhpui turin NGO leh mipui an sawm nawn leh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More