Mirethei leh chhumchhia te tana din zel tum Ramthanmawia MLA

Get real time updates directly on you device, subscribe now.

Tun thla ni 21 atanga bial fanga thang mek – Pu Ramthanmawia, 25 East Tuipui bialtu MLA leh Bamboo Link Road Board Vice Chairman ni bawk chuan nimin khan Zawngtetui, Bungzung, Leithum leh Sazep khuate a tlawh leh a. Bial mipuite’n lo lawmin, khaw tinah parthi nen an lo hmuak.
Pu Ramthanmawia chuan, a bial mipuite’n amah an lo hmuah dan leh an chawimawi danah lawmthu sawiin, ram leh hnam hma sawnna atana hna thawhpuiah a bial mipuite chu a sawm a. Mi chhumchhia leh sawipuitu nei lote tan a din zel tur thu sawiin, chhuan chham leh manganga tumah an awm loh nan, mi chhumchhia leh harsa, hmeithai rethei tanpui ngai an awm chuan a hnena sawi zel turin khawtlang hruaitu leh Party hruaitute chu a chah bawk.
Pu Ramthanmawia chuan Bungzung High School Office Building, MLA Fund atanga sak mek chu tlawhin, Sikul naupang leh zirtirtute’n parthi nen an lo hmuak a. Pu R. Rohluma, Bungzung High School Headmaster chuan, “An School Office a sak-sak avanga an lawmzia sawiin, zirna lamah pawh hma an sawn phah ngei a beisei thu leh theihtawp an chhuah tur thu,” a sawi a. High School Office Building sak a tlawh hnu hian Bungzung PHC thar sakna tur hmunhma chu tlawh lehin, a en fiah nghal a. Bungzung khawtlang hruaitute leh PHC-a thawkte chuan parthi nen lo hmuakin, Bungzung khawtlang a hmangaih avanga a hma lakna zawng zawngah bialtu MLA hi lawmthu an hrilh a ni.
Nimin vek khan Pu Ramthamawia hian Leithum Community Hall, BADP hmanga sak chu a tlawh bawk a. Hall tha tak sak a nih theih nana hma a laknaah leh theihtawp chhuaha a puih zui avangin an lawm hle a ni tih Leithum khawtlang hruaitute chuan bialtu MLA hi an lo hrilh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More