Miss India thlanna neih mekah Muansangi’n Sub-Title pakhat la ta

VLCC Femina Miss India Mizoram 2020 Lalmuansangi Varte chuan ‘Miss India’ thlanna kal mêk-ah sub-title pakhat ‘Miss Glamourous Look’ a dawng a, hei bakah hian sub-contest dang ‘Miss Fashion icon’-ah top 5-ah a lang tawh bawk.
VLCC Femina Miss India hi coronavirus hripui leng avangin tun thlenga contest neih tawh zawng zawng chu online veka tih a ni a, vawiin hian Top 15 an puang dawn a, top 15 a lang zawng chuan Mumbai-ah contest hi an chhunzawm tawh dawn a ni.
VLCC Femina Miss India 2020-ah hian sub-contest panga result an puang tawh a, Miss Shining Star, Miss Fashion Icon, Miss Photogenic, Miss Fit & Fabulous leh Miss Glamourous Look te niin, heng zinga sub contest pakhat-ah hian Muansangi hi ‘Miss Glamourous Look’ winner a ni.
Sub contest hrang hrangah hian top five thlan chhuah an ni a, chuta tang chuan winner hi thlan leh thin a ni a, Muansangi hi Miss Fashion Icon-ah pawh top five-ah a lang a, mahse, he sub contest-ah hian Miss India Nagaland chu winner a ni ve thung.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More