MIZBA-IN CHAMPHAI DISTRICT BOXING ASSOCIATION THIAT

Get real time updates directly on you device, subscribe now.

Champhai District Boxing Association hruaitu te’n Boxing Hall sakna tura an sum hmuhte an hman dan kimchang an sawi thei lo va, Leiba an neihte Mizoram Boxing Association-in a rulh dan a ngaihtuahpui dawn.
Nimin khan Mizoram Boxing Association President Laltanpuia kaihhruaia Meeting neih a ni a. MIZBA President chuan CHADBA hruaitu te’n Boxing Hall sakna tura Cheng Nuai 5 an dawn, an hmanna kimchang an report theih loh avang leh, Leiba Cheng Sing 5 an neihte chu an rul thei lo a nih chuan Mizoram Boxing Association-in a rulh dan a ngaihtuahpui dawn tih a sawi a.
CHADBA President kal chhuak ta chu tun Pathianni liam ta thleng khan an sum hmanna te sawifiah tura tih a nih thu leh, insawifiahna felfai tak a awm loh avangin CHADBA OB leh Executive tanglaite chu thiah an nih tak avangin, term laklawh laia hma la turin Adhoc Body siam a nih thu a sawi bawk.
Lalnienga, Vice President MIZBA chuan CHADBA in harsatna a tawh mek chungchanga hma an lakpui dan hrang hrangte a tarlang a. Boxer tha nei turin hruaitu tha an awm a ngai tih a sawi.
Champhai District Boxing Association hruaitu thar tur ruat nghal an ni a, President-ah Lalneihthanga, Sr. Vice President-ah PH Zosanga, Secretary-ah Lalringzauva Ralte, Tresurer-ah Lalrinsanga te ruat an ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More