MIZO 3 AWMNA INDIA U-17 FOOTBALL TEAM-AH CHAMPHAI RAWLTHAR TEL

Get real time updates directly on you device, subscribe now.

Nimin khan India Football U-17 Head coach Bibiano Fernandes chuan, tun thla ni 5 atanga Sri Lanka khawpui Colombo-a SAFF U-17 Championship khelh tan tura India squad, member 23 hming a puang a; hetah hian Mizo 3 an tel.
Group A-ah Sri Lanka, Maldives leh Bangladesh an awm a. Group B-ah India, Nepal leh Bhutan an awm a. SAFF U17 Championship a group hmahruaitu 2-te hi AFC U-17 Championships khel thei turin an tling nghal dawn a. Champion lai India U-17 team hian SAFF U-17 Championship-ah hian an match hmasa ber, Sept. ni 5 tlai dar 3:30- ah Bhutan an hmachhawn dawn a.
September ni 9 tlai dar 3:30 ah Nepal nen an inkhel zui leh ang a. Semi-final hi Sept. ni 12 tlai dar 3:30 leh zan dar 8:00 ah khelh a ni ang a. Final hi September ni 16 zan dar 7:00-ah khelh a ni ang. U-17 India squad chu :
Goakeepers: Sahil, Julfikar Gazi, Tajamul Islam.
Defenders: Ricky Meetei, Mukul Panwar, Manjot Singh Dhami, Balkaran Singh, Suraj Kumar Singh, Chandan Yadav.
Midfielders: Gurnaj Singh Grewal, Korou Singh, Lalpekhlua (Bawngkawn, Azl), Vanlalpeka Guite (Zuchhip Veng, Kzl), Boby Singh, Malemngamba Singh Thokchom, Huzafah Ahmam Dar, Ngarin Shaiza, Danny Meitei, Lalhmingchhuanga Fanai (Kahrawt, Champhai), Faizan Wahid, Obed Mangminhao Haokip.
Forwards :Thanglalsuon Gangte, Aman.

Lalhmingchhuanga Fanai s/o F. Lalhmachhuana, Champhai Kahrawt hian Champhai Grassroots Baby League-a Champhai Dragons U-12 Team tan bul tan chho in kum 2019 atang khan Bengaluru FC Academy zawm tanin kum 2021 ah phei kha chuan Bengalutu FC Academy U-15 Player of the Session ah thlan a lo ni tawh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More