MIZO HNUCHHAM HNAMDANGIN FA A AN LAK LOHNA TURA HMALAK

Get real time updates directly on you device, subscribe now.

Nimina YMA Sub-Headquarters Champhai rorel inkhawm chuan Mizo hming hawha hnam dangin SYMA Champhai huam chhungah hmun loram an neih lohna tura hmalak an rel.
YMA Sub-Hqrs Champhai rorel inkhawm vawi 7-na hi Champhai Vengthlang Branch YMA chuan Vengthlang Hall-ah an thleng a. F.Lalrinmuana, SYMA Champhai President kaihhruaina hnuaia rorel palai 116 kalkhawm te chuan, Mizo hming hawha hnam dang ten hmun lo ram an neih theih lohna tur leh, India khua leh tui dik tak ni lo ten In hmun Lo ram an neih lohna turin SYMA in hma la rawh se, tih te; Mizo hnuchhamte, hnam dangin faa an lak lohna turin CYMA in hma la rawh se, tih te an rel a.
Hnamdang ILP nei cement mistiri, helper leh theka rate mumal taka bithliah a nih theih nan CYMA in hma la rawh se, tih te; Central YMA leh sorkar thawh hona thuthlung nei tura hma lak a nih dawnin Central Coordination Committee ah tal ngaihtuah ni rawh se.
Sawrkar khawih thilah dan lova Champhai District huam chhunga khaw din a awm lohna tur te, dan ang taka ILP Sponsorship a kal theihna tura hmalak te; Champhai District Hospital-a CT Scan dah a nih theihna tura hmalak te; Kangmei leh khuarel chhiatna a thlenin chak zawk leh awlsam zawka hnathawh theih nan zirtirna mumal zawk kalpui te; Champhai District-a thil man danglam chak lutuk ven te a tel a. Mizorama raltlan awmte sorkarin Refugee Status-a a dah chungchang chu zirchian a, a tul angin SYMA in hma la rawh se tiin an rel.
YMA Sub-Hqrs Champhai Rorel Inkhawm vawi 7-naah hian President F. Lalrinmuana chuan, ram leh hnam humhalh kawngah tha thlah a thiang lo va. Ramri buaina leh ram humhalhna chu politics khelhna atan ni lovin, Mizo mipui kan tanrual a tul, a ti a. Myanmar ram buai avanga Mizorama raltlan kan unaute zingah inbenbel duh an awm a nih chuan, Khawthlang lama Mizoram chin humhalh a nih theihna turin Mizorama an inbenbel dan ngaihtuahsak a that thu a sawi a. Raltlante tha taka dawnsawn an nih laia Mizorama ruihhlo rawn tawlhlut thin an awm chu pawi a tih thu sawiin sim nghal turin a chah a. Mizo khawtlangin sum leh pai, tha leh tui nen kan dawnsawn lai a, Ruihhlo hmanga raltlan thenkhatin an chhanletna chu YMA-in theihtawpin a do zel dawn a ni, a ti bawk.
Report-a an tarlan danin YMA Sub-Hqrs Champhai hnuaiah hian group 4 – Tuipuiral Group, Vanhnuailiana Group, Vanapa Group leh Sialkal Group an awm a. YMA Member hi mipa 24,279 leh hmeichhia 14,124, an vaiin member 38,403 an awm a. Kum 2022 – 23 chhunga an pawl Budget atan ₹ 32,87,500 an pawm a. Kum 2021-22 Conference Palai Rorel inkara member boral mipa 130 leh hmeichhia 46, an vaiin member 179 sunna hun hman a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More