MIZO PIPU SULHNU VEK A NI

Get real time updates directly on you device, subscribe now.

MIZO PIPU SULHNU VEK A NI :
Khawchhak tlangdunga sulhnu hluite chu Mizo pi pute sulhnu vek a ni, tiin Superintending Archaeologist Dr. Sujeet Nayan chuan nimina Khawbung khaw bula Tlaikuang Tlanga hmun hlui an tlawhnaah a sawi.
Nimina Khawbung khaw bul Tlaikuang Tlanga mihring sulhnu hlui haichhuah thar an tlawhnaah Superintending Archaeologist Dr. Sujeet Nayan, ASI, Aizawi Circle chuan, khawchhak tlangdung hmun hrang hranga mihring sulhnu hlui an hmuh leh tlawhte chu Vangchhia ami nen inthlunzawm kual nei vek a nih thu a sawi a. Lunga a pawng leh a khuara milem kerte chu Mizo pi leh pute nun ziarang pho chhuak  vek a nih thu leh, hun rei tak ata Mizoram hi an lo luah tawh nia a lan thu archaeological excavation neih tawh atangin thui tak a rinzawn theih niin a sawi a. Lunghriam hun hnuhnung hmanrua Sazep khaw hnuaia hmuh lo ni tawh te, Vangchhe Excavation-a hmuh a ni te chuan mithiamte thil chhui tur tam tak a la  chhawp chhuak dawn niin a sawi.
Nimina Tlaikuang Tlanga hmunhlui an tlawh pawh lunga milem ker leh lung inrem ralven bang niawm tak te chu Vangchhia nen ze inanna thui tak nei a nih thu a sawi bawk.
Khawchhak tlangdunga sulhnuhlui ropui tak takte hi “Vangchhe Civilization” tia sawi mai pawh inhmeh tak a ni, a ti bawk.
Senior Archaeolgist Sunita Tevatia kaihhruai  ArchaeologicalSurvey of India, Delhi Hqrs, Guwahati Regional Office leh Aizawl Circle atanga mithiamte’n hmun hlui pawimawh 4, Lianpui Dungtlang, Farkawn leh Lungphunlian a mite “Centrally Protected Monument” atan an zir chian kal mekah, niminpiah khan Farkawna Fartlangpui lungphun chu khaw chhiat avangin an tlawh thei lo va. Niminah Dungtlang khaw bula hmunhlui tlawh nawn
lehin, vawiin hian Lungphunlian an tlawh leh ang

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More