Mizo Puithiam 35-na atan nemnghet

Get real time updates directly on you device, subscribe now.

Inrinni khan Deacon Mark Thanglamtuanga chu Champhai Holy Cross Parish-ah Mizo puithiam 35-na atan nemngheh a ni.
He hun hi Champhai Holy Cross Parish Biak In, Champhai Bethel vengah hman niin, Puithiama nemnghettu Bishop, Most Rev. Stephen Rotluanga chuan hripui leng karah Deacon Mark Thanglamtuanga Puithiam-a lakluh a ni thei tur chu lawmawm a tih thu a sawi a. Puithiam nemngheh tur Mark Thanglamtuanga chu Bishop hmaah koh chhuah niin,
hlanna hun hman a ni a, Bishop rawtna leh mipui remtihna lak a nih hnuah Puithiam nemngheh tur chu enfiah leh niin, thuawi tura thutiam lak tir leh a nih hnuah Puithiam ni tura nemngheh a ni.
Inrinni-a Puithiam atana nemngheh Deacon Mark Thanglamtuanga hi kum 2005-ah Holy Cross School, Champhai atangin Matric a pass a. Hemi hnu hian Puithiam tan duhna a nei tan a. Kum 2008-ah pawl 12 zir zo lehin, pawl 12 a zir zawh hnu hian Salesian on Don Bosco pawl zawm turin Prenovitiate a zawm a; Puithiam ni tura kawng hrang hrang a zawh hnu kum 2010 May ni 24 khan thutiam hmasa ber lain, Salesian Cleric a ni a. Kum 2017 May ni 24-ah thutiam hnuhnung ber la lehin, July ni 1, 2020 khan Deacon a nemngheh a ni a. Deacon Mark hi St. Francis Xavier Parish, Lawngtlai-ah Deaconate Ministry nei tura dah a nih hnuah
Inrinni khan Champhai Holy Cross Parish-ah Puithiam-a nemngheh a ni ta a ni. Deacon Mark Thanglamtuanga hian ‘Chanchin Tha Matthaia ziak
Bung 6:10 – “I duh zawng tih ni rawh se,” tih chu a thupui atan a hmang a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More