Subedar K.Laldingliana, Assam Regiment (42 Rashtriya Rifles) chu Indian Army Day lawmna nimin Jan 15 a N.Delhi a neih ah sipai huaisen chawimawina dawng tu mi tlem te zingah SENA MEDAL dawng zingah a tel ve.
Sub. Laldingliana hi 42 RR a a posting lai 22nd Oct 2019 khan amah leh an team te chu hardcore terrorist te nen in hnaichilh taka inkahna neiin an inkahna ah chuan terrorist te chu an that fai vek ani.India ram leh hnam chhan nana huaisen taka a chet avangin, Subedar K. Laldingliana, 8 Assam Regiment (42 Rashtriya Rifles) hnenah India sipai huaisen chawimawina, Sena Medal hlan a ni.
Subedar K. Laldingliana s/o K. Khuangzika (fam), Champhai Kahrawt veng hi Inrinni khan New Delhi-ah Chief of Army Staff, General MM Naravane chuan Sena medal a hlan a. Sipai huaisen chawimawina hi kum 2019 October ni 22-a Jamu and Kashmir-a Rajpora Operation-ah a hote nen India ram chawkbuaitu Militant mi firfiakte nen an inbeihna a huaisen taka a chet vangin hlan a ni a, hetah hian Subedar K. Laldingliana leh a hote hian mi firfiakte hi an hneh vek a ni.
Subedar K. Laldingliana hi football khel thiam, Mizoram leh India tan pawha lo khel fo tawh a ni a. Sipaia a tan hnu pawhin sipai hna a thawh that avangin sipai hotulute hnen atangin chawimawina hrang hrang a lo dawng tawh bawk a ni.
Sena Medal dawngte lawmpuinan hian Mizoram sawrkar chuan Rs.3,00,000/- (Cheng nuai 3) a pe thin.
Comments are closed.