MIZORAM-AH UNDIVIDED CHAMPHAI DISTRICT VC TEAM PAHNIH TE FOOTBALL THIAM BER

Get real time updates directly on you device, subscribe now.

LBS Suzuki All Mizoram Inter Village Football Tournament chu vawiin tlai dar 3-ah Undivided Champhai District Team 2 Champhai Kanan leh Sialhawk ten Final khelh a ni dawn.
Champhai Kanan Veng hian Inrinni khan Semifinal-ah Lengpui chu 2-1 a hnehin Final an inhlangkai a. Kanan Veng hian Final lut tura an zin kawngah Match 7 khelin goal 26 thunin, an lamah goal 11 a lut tawh a ni. Champhai Kanan VC Team Manager Lalchhandama chuan, an bitum tur Sialhawk VC team chu Champion thei tur khawpa team tha an ni tih sawiin, an champion a nih pawhin thilmak a ni lovang, a ti a. Champion ngei tumin theihtawp chhuaha an beih tur thu sawiin, Kan chak zo ta lo a nih pawhin kan thlen chinah kan lungawi tawh, a ti.
Team khaikhinin Sialhawk hian goal 36 khung tawhin an lamah 5 a lut tawh a. Tlar hma leh tlar hnung lamah Sialhawk hi an hriam zawk niin a ngaih theih a, hetihlai hian Champhai Kanan veng football game mawi bik an lantir thin. Final hi vawiin tlai dar 3:00 ah khelh a ni ang a, Champhai Kanan Vengah CCN chuan Big Screen-in an tichhuak leh dawn. Final a hmuna enduh tan Champhai South Bialtu MLA TJ Lalnuntluanga’n Bus pahnih Champhaiah a rawn tir a, nimin khan a hmuna inkhel en tum te’n Champhai an chhuahsan a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More