Northeast Regional Sports Week Manipura neih mekah Mizoram aiawha kal, Champhai Football Team chuan Sikim si 3 faia hnehin Semi-final an inhlangkai.
Nimin khan Mizoram State aiawha kal Champhai Team hian an match hmasa berah Khuman Lampak Football Ground-ah Sikkim hmachhawnin, si 3 faiin hnehna an chang a. Mizoram tan hian Lalremruata leh C.Vanlalpuia te’n goal khat ve ve khungin, Sikkim lam player pakhatin an lamah a tilut palh bawk.
Mizoram hi Assam leh Sikkim te nen Pool khatah awm hovin nimin khan Assam hian Sikkim an lo hnen tawh avangin Mizoram leh Assam te hi Semi-final lut chiang tawh an ni a.
Naktuk chawhnu dar 1:30 hian an Pool-a hmahruaitu nih inchuhin Mizoram leh Assam hi Main Stadium Khuman Lampak ah an inhmachhawn dawn a ni.
Comments are closed.