Pu Lalbiakthanga (kum 63 mi) India Independence lawmna puala ke ngata Mizoram fan chhuak tumtu chuan Thawhlehni khan a pianna khua Sailulak a thleng.
Pu Lalbiakthanga hian kumin February ni 9 khan Vairengte chhuahsan in, ke ngatin khaw hrang hrang a fang kual nghal a. Mizoram chhunga District khawpui 8 tlawh tawhin, tunah hian district 3 tlawh leh turin ruahmanna a siam mek a.
Sailulak khuaa piang leh seilian a nih angin Thawhlehni tlai lam khan Sailulak hi thleng in, Khawtlang hruaitu ten kawtchhuahah lo hmuakin VCP inah zanriah lo buatsaih sak a ni bawk. Hei bakah hian Thawhlehni kha a piancham a nih nghal bawk avangin Sailulak VC te chuan Birthday cake nen an lawmsak nghal bawk a ni.
Pu Lalbiakthanga hian Mizoram fan chhuah a tum piah lamah hian mipui zirtuirna tur thupui ken a nei a. Remna leh muanna, Hnam inpum khatna, Aia upa zah leh Tuihna humhalh thupuite a keng tel a. Khaw hrang hrang a tlawh kualna ah hian heng a thupui ken hmang hian awareness te neiin, a remchan dan angin a tlangau pui nghal bawk thin a. Myanmar ram buaina chungchanga remna leh muanna a awm theih nana Zokhawthar thlenga ke ngata lo kal tawh kha a ni. Vawiin, ni 17.03.2022 hian Champhai district lamah kal in, Sailulak atangin Tuipuiral lam khua a pan leh dawn a ni.
Comments are closed.