MIZORAM TUNG DIN TURIN ZPM CHU HMANRUA ATAN IN PE

Get real time updates directly on you device, subscribe now.

MIZORAM TUNG DIN TURIN ZPM CHU HMANRUA ATAN IN PE :
ZPM Party hruaitute chuan nimin khan Champhai Press Club-ah thuthar thehdarhtute kawmin, Mizoram mipuite’n an duh tak Sorkar an tun din theihna turin ZPM chu hmanrua atan a inpeih tawh tih an sawi.
ZPM Secretary General K.Sapdanga chuan ZPM MLA dinhmun sawiin, India danpui schedule 10-ah Anti defection Law, thlan tlinte’n anmahni
thlang tlingtute an uiresan khapna dan a nih thuteh Assembly speaker-in ZPM MLA te chu anmahni thlang tlingtu mipui party dina tel ve a khapin, uiresan turin a nawr thu a sawi a. Kum 1987 khan MNF party hminga candidate thlan tlin 24-te khan independent MLA vek an nih thu leh a hnuah party registration pek an nih chauh thu sawiin, tuna ZPM MLA te nen, an dinhmun a inang reng a ni tiin, MNF party in an lo tawn ve tawh tho ZPM MLA ten an tawn ve takah chuan, buaina siam sak phet an tum chu zia lo a tih thusawiin, hmasate tih duh ngai hauh loh a nih thu leh MNF party te pawh rilru inlamlet a, an thawhpui MLA ve thote tihbuai phet tumna hi bansan tawh turin ZPM chuan a hruaitu ram ngen thu a sawi bawk.
K.Sapdanga chuan Kalphung thar Sorkar an zawrh zel tur thu sawiin, Roreltu chauh ni lo, rawngbawltu sorkar din, Mipui tan Sakhaw zalenna humhim te, Ramri buai ching fel tura hma an lak tur thute a sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More