MLA Fund hmangin Zote panna kawng laihzau hna tawk

Get real time updates directly on you device, subscribe now.

Champhai Vengthar leh Zote inkalpawhna tur kawngpui laih mek chawlhsan lailawk chu Thawhtanni atang khan laih chhunzawm leh a ni.
Champhai South Bialtu MLA, TJ Lalnuntluanga MLA Fund atanga laih, Champhai Vengthar leh Zote inkar kawngpui sial mek hun eng emaw chhung chawlhsan lailawk chu Thawhtanni atang khan laih chhunzawm leh a ni a. Nikum lam khan helai kawng laihna tur hian Rs. Nuai 10 pekchhuah tawh niin, hman zawh vek tawh a ni a. Thawhtanni khan Rs. Nuai 10 pekchhuahna tur tihfel leh tawh a ni bawk. He kawng hi Km 1.6 a thui niin, Metre 200 vela thui laih zawh tawh niin, Metre 800 vel laih hmabak a la awm a; metre 8 atanga metre 9 a zaua laih tura ruahman a ni.
He kawng siam mek hi a puitlin hunah chuan Champhai leh a chhehvel khua mai bakah, Hnahlan tlangdung khua te’n awlsam leh hnai zawka Champhai khawpui an luh leh chhuah theihna tura kawng tangkai tak a ni ngei ang tih Vengthar VCP Lalroruata chuan a sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More