MNF Champhai North leh South Block hruaitu ten CM hnenah thlen

MNF, Champhai North leh South Block hruaitute chuan nimin khan Chief Minister, Pu Zoramthanga an hmu.
MNF, Champhai North leh South Block hruaitute chuan Joint meeting-a an thu rel bawh zuiin, nimin khan Chief Minister, Pu Zoramthanga chu a pisaah an hmu a. Block hruaitute chuan CM hnenah hian Champhai mamawh hrang hrang – Champhai Auditorium sak chungchang te, Multi level car parking chungchang te, Police quarter thuam that leh Out-post siam belh chungchang te, Champhai Greater Water Supply Scheme phase 1 thuam that leh Phase 2 chungchang te, DC Road – Chhangphut Field lam leh Damdawi in veng atanga panna laih zauh chungchang te, Truck Terminal puitling siam leh khawtlang mamawh hrang hrangte an thlen a. Chief Minister an hmuh zawh hian Sorkar mi pawimawh hrang hrang an dawr chhunzawm leh nghal bawk.
MNF, Champhai North leh South Block hruaitute hi Champhai North bialtu MLA, Dr. ZR. Thiamsanga’n a tawiawm a ni.