Motor atangin naupang tla hlum

Get real time updates directly on you device, subscribe now.

Nimin chawhnu dar 1:00 vel khan Khankawn leh Zotlang inkar kawng, Champhai Police Check Gate Chalbawia Junction atanga Km 1 velah
hmeichhe naupang ruang chhar a ni a. Ruang chhartute hian Champhai Police Station an hriattir hnuah Lawmsangzuali, Kum 3, Neihlianthanga
Fanu, Ruantlang a ni tih hriat a ni a. Lawngsangzuali hi LPK Tiper atangin a tla ni ngeia hriat a ni.
Champhai Police te hnen atanga thu dawn danin nimin chhun khan Lawmsangzuali hi a u mipa naupang nen Motor, LPK Tipper-ah an chuang a, Lirthei khalhtu hian a tlan chhuah hmain Lawmsangzuali
leh a u hi a motor-ah an chuang tih a hmuh thu sawiin, chhuk tura a tih hnuah thildang a tihsan leh a, a motor a tlanchhuah dawn hian Lawmsangzuali hi Motor-ah a chuang tih a hmuh tawh loh thu a sawi a. Lawmsangzuali U mipa naupang chuan a nau hi Driver side lo lam Battery Post-ah a chuan thu a sawi thung a, Motor atanga a tla lai a hmuh thu a sawi bawk.
Thu dawn danin LPK Tipper hma leh a hnung inkar Baterry Post bulah hian Hmeichhe naupang thutna hnuhma ni awm tak hmuh a ni a, Lawmsangzuali hi Motor atanga tla ni ngeia hriat a ni a, a tlaknaah hian a tukhum lam sawhin a hmu hmasatute’n an hmuh hian a lo chatthla fel tawh a. A ruang hi Champhai District Hospital-ah Postmortem a nih hnuin nizan khan Ruantlang thlanmualah vuiliam a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More