MST BUS SERVICE LEH TURIN NGEN

Get real time updates directly on you device, subscribe now.

National Trade Union of Mizoram, Sub-Hqrs. Champhai chuan thuchhuah siamin – Champhai leh Aizawl inkar a tlan tur Mizoram State Transport Bus (Deluxe), kan Transport Minister zahawm tak, TJ Lalnuntluanga’n ruahmanna a siam kha National Trade Union of Mizoram (NTUM) chuan lawmawm kan tih em em laiin, Service pawh neih tak tak a nih hma a tih tawp a ni leh ta mai chu pawi kan ti em em a ni, an ti.
MST Bus hi Champhai leh Aizawl inkarah tlan reng thei tawh se kan duh em em a. Champhai leh Aizawl inkar zin veivahna atana mipui ten duhthlan tur nei lova Sumo chauh rin a ni hi kawng thenkhatah mirethei zawkte tan phurrit a tling thei niah NTUM chuan kan ngai a ni.
Thenkhat tan Sumo fare hi engtham mah ni lo mah se, mirethei tam zawk tan hian phurrit a tling theih tih NTUM chuan a hria a. Chuvangin man man zawka chuan theihna awm leh duhthlan tur awm hi mipui tan thil pawimawh tak a ni tih hi NTUM ngaihdan a ni.
NTUM chuan MST Bus service tir, chawlh tir lehnghal a nih chungchangah ziakin Transport Minister zahawm tak hnenah Service chhunzawm tura ngenna kan thlen nghal a. NTUM ngenna hi kan Minister pawhin min tihhlawhtlinsak ngei kan beisei tlat a ni.
MST Bus service chhunzawm tir chungchanga kan ngenna leh kan duhnaah hian, Champhai – Aizawl Sumo Welfare lakah NTUM chuan, an chungah lungawi lohna emaw harsatna kan nei lo va. NTUM duh ber chu miharsa zawk ten duhthlan tur an neih theih nan leh man man zawka an zin veivah theih a ni. Transport Minister hnena kan ngenna thlen hi Champhai khua leh a chheh vel mipui tan a ni a, Champhai mipui pawhin min thlawp turin NTUM chuan a ngen a ni tih an thuchhuah ah hian an tarlang bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More