Champhai to Aizawl Maxi Cab Service-te’n an service an chawlh lailawk chu an tihtawp tak avangin Champhai leh Aizawl inkara MST Bus Service tir lailawk chu a chawl leh rih dawn.
Champhai to Aizawl Maxi Cab Service Owners’ Welfare-in an member pakhat Maxi Cab, National Highway No. 6 kawng laih hna thawh mekah kawng chhak atanga Lung lumin a delh a, lirthei neitu leh kawng siamtute an inrem theih loh avanga lungawi lohna lantira an service an tih tawp lai lawk chu Zirtawpni khan titawpin a pangngaiin an service tan leh tawh a. Maxi Cab Service a awm loh chhunga mipui ten harsatna an tawh lohna tura Transport Minister TJ Lalnuntluanga hmalaknaa Champhai leh Aizawl inkara MST Service tir chu, Maxi Cab te a pangngaia an kal leh dawn tak avangin chawlh leh rih a ni dawn tih Transport Minister chuan a sawi a. Ticket pek chhuah tawh sa erawh chu an tlan chhunzawm dawn thung.
Comments are closed.