Inrinni khan Gospel Music Ministry Champhai huaihawtin New Champhai khelmualah Myanmar- a Zohnahthlakte tan tawngtai rualna hun hman a ni.
He hun hi B.Vanlalhruaia chuan kaihhruaiin, Lalhmingmawia chuan inhmelhriattirna a neih hnuah tawngtaina hun hi hman chhunzawm nghal a ni. He hun hi Pastor pathum – Rev. Laldanmawia, Wesleyan Methodist, Rev. F. Lalrinawma, Bethel leh Rev. Malsawmdawnga Kelkang bial vawngtute chuan telpuiin, tawngtai hun hi chhawng thuma then a ni a, heng Pastor te hian a chhawka hruaiin Pathian thuchah tawi an sawi hnuah tawngtai hi an kaihhruai zui nghal zel a ni.
Gospel Music Ministry bultuma Myanmar a zohnahthlak te tana tawngtai rualna hun ah hian sawm bik te bakah mipui thahnem tak an pungkhawm a, pungkhawm te hian Myanmar ah muanna duhawm tak a thlen theihna tur leh Sipai sawrkarna chu tihtawp a nih ngei theihna turin an tawngtai a ni.
Comments are closed.