Myanmar atanga raltlan ten India Sawrkar beisei

Get real time updates directly on you device, subscribe now.

Myanmar-a Sipai-in Mipui sawrkar an hnehchhuh avanga buaina kel zela Mizorama rawn tlanchhiate chuanMyanmar buainaah India in hma la se an duh tih an sawi.
Myanmar mi leh sa Mizorama rawn tlanchhiate’n kan palai hnena an sawi danin, Myanmar Sipaiin Mipui sawrkar an hneh chhuh chungchangah India inrawlh se an duh tih an sawi a. India rama rawn tlanchhiate hian India-in tha taka a enkawl an beisei tih sawi bawkin, Myanmar ramah thawnkir an nih chuan an nunna atan a him loh tur thu leh, an dinhmun tur pawh sawi lawk harsa an tih thu sawiin, mipuiin sawrkarna an lak let leh ngei an beisei tih an sawi bawk.
Myanmar atanga rawn tlanchhiate hian Sipaiin Police Uniform ha chungin mipui an sawisa thin tih an sawi a. Sipaite chu mipui nghaisa lo tur te, dan hnuaia dik taka awm tur leh an hna chiah thawk turin an beisei tih an sawi bawk.
Hetihlai hian Union Home Minister Amit Shah chuan Chief Minister Zoramthanga bia-in raltlante thawn let an nih dawn loh thu a hrilh niin sawi a ni a. Manipur Chief Minister N Biren Singh pawhin tunkar tir lam khan Manipur state pawhin, an state chhunga Myanmar atanga civil mi raltlan an rawn lut a nih chuan an lo pui ang tih a sawi niin EastMojo chuan a tarlang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More