Nimin chawhnu dar 2:00 khan MZP Hqrs Champhai huaihawtin Myanmar-a sipai rorel duh lohna lantirna leh Zofate thlavang hauhna hun Darthangvunga Traffic Point, Vengthlang-ah hman a ni.
Nimina hun hman hi H. Vanlalruattluanga, Fin. Secy, MZP Hqrs hamphai-in a kaihruai a. He hunah hian zirlai rual leh mipuite’n Myanmar- a sipai rorelna kalpui mek chu an duh lohzia an lantir a, Myanmar rama unau harsatna tuar mekte an thlawpzia tarlanna thuziak eng emaw zat an keng a.
Myanmar sipai chetdan duh lohna thu an au rualpui bawk. He hunah hian MZP Hqrs Champhai, Chin Welfare, Sub-Hqrs YMA, NGO Coordination Committee, MUP District Hqrs Champhai, MHIP Sub-Hqrs Champhai leh ZORO, Champhai-te’n thu an sawi a; zai thiamte an zai bawk.
Myanmar-a sipai ro rel duh lohna lantirna leh zofate thlavang hauhna hunah hian Tlawmngai pawl hrang hrangte an tel tha hle.
Comments are closed.