MYC Coaching Centre Champhai-ah hian General Studies, Mathematics leh English-te zirtir an ni dawn a. A bultan nan seat 30 a awm a, course khat hi thla thum chhung awh tur a ni a, thla thum course zawh hian a thara admission tih zel tur a ni. Zirlaite hi MSSSB, SSC leh MPSC thleng hmachhawn tura puahchah tum an ni a, a bultan nan MSSSB leh SSC course-te kalpui in, course thar atangin MPSC course kalpui tum a ni.
Mizoram Youth Commission Coaching Centre, Champhaia class lak bultanna puala hun hman chu nimin chawhnu khan Health & Family Welfare Board Vice Chairman Dr. ZR Thiamsanga, Champhai North bialtu MLA chuan a hmanpui.
Dr. ZR Thiamsanga chuan sawrkar hmalakna leh khawtlang tana thahnemngai taka tha thawhtute hmalakna avanga MYC Coaching Centre Champhai a taka kalpui a ni chu lawmawm a tih thu a sawi a. Ramri dep, Champhai District a awmte tana rualawhna a phuhruk ngei a beisei thu sawiin, Zirlaite chu Champhai mai bakah Mizoram leh India ram puma mi tangkai leh chhawrnahawm nih tum tura ngaihtuahna seng turin a fuih a. Rualelna chang hriaa, an tum leh hmabakte tha taka hlen tum turin a chah a. Tun aia Coaching Centre changtlung, hmunhma tha zawk leh coaching course zau zawk kalpui theihna tur sawrkarin a ngaihven zui zel dawn tih a sawi a. Zirna tihhmasawn kawngah kan zavaia tanrual a tul a, zirna mai bakah nunkawng hrisel leh entawntlak zawh thei tura district mipui inpuahchaha tanho a tul a ni, a ti.
He hun hi District Bawrhsap James Lalrinchhana chuan kaihruaiin, Coaching Centre kaltlanga hmalaknate uluk taka vil zui a nih tur thu leh, zirlaite pui theitu tur leh tuaihriamna tur angte a tul anga chhawpchhuah tum a ni, a ti.
Lalthanfela, Co-ordinator, MYC Coaching Centre Champhai hnen atangin Coaching Centre chanchin tlangpui ngaihthlak a ni a. Esther Leihang, SDC; Dr. Lallawmkima, DIPRO leh HS Vanlalfakzuala ten fuihna thu an sawi a. MZP Hqrs Champhai aiawhin Tv. Thangdeihmanga’n thu a sawi bawk.
MYC Coaching Centre Champhai-ah hian General Studies, Mathematics leh English-te zirtir an ni dawn a. A bultan nan seat 30 a awm a, course khat hi thla thum chhung awh tur a ni a, thla thum course zawh hian a thara admission tih zel tur a ni. Zirlaite hi MSSSB, SSC leh MPSC thleng hmachhawn tura puahchah tum an ni a, a bultan nan MSSSB leh SSC course-te kalpui in, course thar atangin MPSC course kalpui tum a ni.
Comments are closed.