MZP hminga kuhva phurh tum mi 3 lakah FIR thehlut

Get real time updates directly on you device, subscribe now.

Mizo Zirlai Pawl Hqrs Champhai chuan MZP hminga Kuhva Escort thei nia insawi te lakah Champhai Police Station-ah FIR an thehlut.
MZP Hqrs Champhai hruaitute chuan January ni 14 leh Ni 19, 2021 inkhar chhung khan FH Lalzarliana, Chaltlang Aizawl nia insawi leh a thurualpui mi 3 te chuan MZP hminga sumdawngte bumin Police leh Assam Rifles check Gate patlang theia insawiin Sumdawngte hnenah Cheng Nuai 2 an dil tih hriat a nih avangin Champhai Police Station-ah Zirlaite tih ngaih loh thil MZP hminga ti an awm chu chhui chhuaka dan anga hma laksak turin FIR an theh lut a.
Champhai Police te chuan chhui zui nghalin he thubuaiah hian FH Lalzarliana s/o F Lalrokima (L), Aizawl Chaltlang leh a thurualpui mi 3 – Lalthangliana s/o Lalhminga, Aizawl Dinthar, Lalhmunmawia s/o Chalbuka, Aizawl Chhinga Veng leh Vanlalhruaia s/o Thaliankhuaia, Champhai Vengthlang te chu an man nghalin mi bum thubuai siam sak niin vawiin khan Champhai District Court-ah hruai nghal an ni.
Mi bumtua puhte hian Champhai Police-te hnena an sawi danin MZP Gen. Hqrs hruaitu pakhat inrawlh a awm tih an sawi a, hetih lai hian MZP Gen. Hqrs hruaitute zinga inrawlh nia an sawi chuan he thilah hian inhnamhnawih an awm loh thu kan palai an hrilh thung.
MZP Hqrs Champhai President H Lalramhluna chuan ramri sumdawnna thilah Zirlai pawlte an inrawlh ngai loh thu sawiin Zirlai pawl hminga lo inrawlh an awm chu an haw em em tih sawiin thil sual ti tute chu hrem an nih ngei an beisei tih a sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More