Nimin khan FEMSE (RMSA leh SSA) hnuaia thawktu General Headquarters hruaitute chuan Sub-Hqrs. FEMSE, Champhai rawn tlawhin BRC Champhai Training Hall-ah FEMSE Sub-Hqrs. Executive Committee Member te nen Joint Meeting an nei.
He meeting hi Pu C. Lalthazuala, President Sub-Hqrs. FEMSE, Champhai in kaihruaiin, Secretary Pu Zirsangliana hnen atangin report ngaihthlak a ni a,
FEMSE General Hgrs. Aizawl atanga hruaitu rawn kal te hnen atangin thusawi ngaihthlak a ni. He meeting-ah hian kum 2019-a sawrkarin Study Group a din hmalak zel dan thlirho a ni a, kum khat hnuah pawh hmalakna mumal a awm loh avangin tun aia nasa a sawrkar nawr nise an ti. Study Group in a recommend angin hlawh leh service chungchanga hmasawnna beisei laia hmalakna mumal a awm lo chu hriatthiam har an ti hle.
FEMSE hnuaiah hian RMSA leh SSA hnuaia hnathawk mi 5000 vel an awm a, FEMSE Gen. Hqrs. hruaitute hian District hrang hrang tlawh kualin meeting an neihpui zel dawn a ni.
Comments are closed.