National Highway No 6 siam zawh hlim, Melbuk leh Zokhawthar inkar kawngpuia Box Culvert chu nimin khan a chim.
He Box Culvert, Vawmkaw Lui-a mi hi Geocell, Plastic len khawng hmanga leivunga hnawhkhah hmanga siam niin, Metre 65 a sei a ni a. Melbuk leh Zokhawthar khawtlang hruaitute chuan he laia Box Culvert siam dan chu siam a nih lai atang tawhin rin zawh lohna a lian hle chungin siam chhunzawm zel a nih thu an sawi a. Tun hnai ruahsur avangin Box Culvert hi lirthei lian zawh ngam loh khawpin a khi nasa a, nimin khan box culvert thlang lam hi a min ta a ni.
National Highway No 6 siam zawh hlim Melbuk leh Zokhawthar inkar kawngpui hi kumin July ni 26 atanga khan leimin avangin lirthei kaltlang theih lohin vawiin thlengin a la awm a.
A muala tawlh mai thei leh leimin belh leh mai thei hmun eng emaw zatah a awm bawk a. National Highway No. 6, Champhai leh Zokhawthar inkar kawng hi World Bank sum Cheng Vaibelchhe 138 senga M/s Tarmat Construction Company-in an thawh niin, kumin June thla khan zo felin an chhuahsan a ni.
Comments are closed.