NAU CHUNGAH THI

Get real time updates directly on you device, subscribe now.

Pi Lalrinhlupuii, Khuangthing khua chu ni 21.7.2022 (Ningani) khan Champhai District Hospital-ah nau chungah a thi.
Khuangthing YMA President hnen atanga thu dawn danin, Pi Lalrinhlupuii, Kum 42 hian ningani zing dar 4:00 khan Khuangthing Health Sub Centre-ah nau a nei a, thi a put nasat avangin Khawbung PHC-ah phur phei in, enkawlna tha zawk dawng turin Champhai District Hospital panpui leh a ni a; Chawhma dar 11:30 khan Champhai Disitrict Hospital hi thlenpui a ni.
Champhai District Hospital-a hmeichhe lam Doctor chuan zawhna chhangin, Pi Lalrinhlupuii hi District Hospital thlenpui a nih hian a biak theih mumal tawh lo niin a sawi a, a nau neih hun tura an chhut hi kar 2 laiin a pel tawh niin a sawi bawk. A nunna chhan tumin theihtawp chhuah ni mah se, ningani chhun dar 12:30 khan Pi Lalrinhlupuii hi a boral ta a ni. A ruang hi nimin khan Khuangthing panpui in lumen a nih hnuin vuiliam a ni ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More