Nimin khan Rose Children’s Home, Champhaiah Naupangte Ni pualin hun hman a ni.
R.Lalrinchhani, DCPO Champhai chuan khuallian niin he hun hi a hmanpui a. Thu sawiin naupang te hi khawvel rohlu an ni, a ti a. Naupang te enkawl seilen hi puitlingte mawhphurhna a ni a, naupang ten an dikna chanvo an neih theihna tur leh an nih dan tur ang taka an thanlen theihna turin a enkawltu te’n mawhphurhna sang tak kan nei a ni, a ti. Naupangte pawhin mawhphurhna sang tak an neih thu sawiin, anmahni enkawltu emaw nu leh pa emaw te thuawih taka an awm a ngai a ni, a ti.
Rose Children’s Home-a he ni puala hun hman hi Lalawikungpuii, Rose Children’s Home Staff-in a kaihhruai a. Lalsiammawii, LPO leh CWC Chairman Lalthantluanga Tochawng te’n an telpui a ni. Children’s Day hi November ni 14 kha a ni a, Pathianni a nih avangin nimin khan hun hman a ni a; Rose Children’s Home-ah hian naupang 9 an awm mek.
Comments are closed.