Champhai leh Aizawl inkara Maxi Cab service chuan nimin atang khan nawrh an titawp.
Champhai to Aizawl Maxi-Cab Service Owners Welfare in thuchhuah siama an tarlan dan chuan, lungawi lohna lantira an service an tihtawp lailawk chhunga khualzin ten harsatna an tawk chu pawi an tih thu an sawi a. An nawrh chhan ber kawngpui laih hna thawk mekte fimkhur loh vanga Maxi Cab chhia chungchangah Law & Judicial Minister TJ Lalnuntluanga thurawn angin Court-ah kalpui a ni dawn a. Court thu leh hla ngaihchan a tul dawn avangin nimin khan an nawrh chu an titawp tih an tarlang.
Hetihlai hian Maxi Cab service khaihlak vanga khualzin te harsatna sukiang tura sawrkarin MST Bus pahnih a service tir chu, Champhai atanga vawiin leh karleh Thawhtanni-a Aizawla chhuk tur ticket hralh zawh vek a ni tawh bawk.
Comments are closed.