District Superintendent of Police thupek lo chhuah tawh bawhzuiin nimin atang khan No Tolerance Week hman tan niin, lirthei hrang hrang te endik a ni.
C. Lalengliana, Dy SP in November ni 29 a thupek a lo chhuah tawh bawhzuiin nimin atang khan Champhai hmun hrang hrangah lirthei vei vak te endik a ni a. Lirthei khalhtute’n Driving Licence an neih leh neih loh te, lirthei Document te a fel leh fel loh endik a ni bawk.
Hetianga lirthei leh a khalhtute endikna hi mipui leh lirthei hmangtute him lehzualna tura kalpui niin, lirthei khalhtu thahnem tak, Driving Licence keng lo an awm a, Driving Licence nei lo pawh an awm nual bawk. Driving Licence keng lo bakah hian lirthei Document thi tawh te leh Insurance tilo te man an ni a, heng lirthei chunga dan bawhchhia man te hi ngaihhnathiamna tel lova man zel niin MVI Act.-in a phut angin pawisa chawi tir zel an ni a, Licence leh Document laksak an awm nual bawk.
Nimin khan hmun hnih Vaihmun leh Dawrkaikawn-ah te lirthei leh a khalhtute endikna hi kalpui a ni a, dan bawhchhia man te hi a zat chiah hriat theih a ni rih lo va, dan bawhchhia man te pawisa chawi tlingkhawm hi Rs. 4000 a ni. Head Constable Ramhmingthanga chuan lirthei leh a khalhtute an endikna hi mipui himna tur a nih avangin thlawp tur leh thawhpui turin mipui a ngen a ni.
Comments are closed.