CDF inkulhna Ngailan khua a mipui nu naute chu Mizoram ah sahimna zawngin an rawn tlanchhe vek.
Ngailan khua atanga sahimna zawnga Mizorama rawn tlanchhia te sawi danin an khuaah mipui sipai an inkulh avang leh Myanmar sipaite ralthuam famkim nen Chin State an luhchilh tak avanga inkahna thleng maithei anih avanga Mizorama rawn
tlanchhia an nih thu sawiin an khua a inkulh mek CDF te thurawn anga rawn tlanchhia an nih thu an sawi bawk.
Ngailan khua atanga rawn tlanchhia te hi Sub-Hqrs. YMA-in raltlan te dahna tura an siam Sapianmaksak-a Pu Zonunsanga Farm-ah dahluh nghal an ni a, an vai hian mi 45 an ni.
Tun dinhmunah Sub-Hqrs. YMA Champhai huamchhungah raltlan mi 6400 an awm mek tih Pu Lalchhuanawma, Sub-Hqrs. YMA Financial Secretary chuan sawiin Champhai khawpui chhung bikah a hlawma raltlan awmna hmun pali (4) a awm tih a sawi bawk.
Comments are closed.